బొగ్గులు బుక్కి
అగ్గి కక్కిన
ఆకలి రక్కసి నేపథ్యంగా
అక్షరాల కొలిమంటుకున్నది
ఇకిలించే ఇజాలు
బాకాలా బడాయి నైజాలు
నిండార్గ నివురుతో నీల్గు
నిజాల నిగ్గు తేల్చడానికి
కొలిమంటుకున్నది
బడుగు జీవుల గొడుగుగా
అబలలకు ముందడుగుగా
పీడనలపయి పిడుగుగా
కైతల సెగలు కక్కుతూ…
కొలిమంటుకున్నది
అర్థ బలపు కాటు
అంగ బలపు మాటు
అధికార బలపు పోటు
బుద్ధి బలాన్ని గద్దెనెక్కించడానికి
నిప్పు కణికల భావనలు చిమ్ముతూ…
కొలిమంటుకున్నది
అవినీతి హస్తపు జోరు
ఆశ్రిత పక్షపాత అంభుజపు హోరు
బంధుప్రీతి కారు చీకటి పోరు
పారదర్శకతా పాశుపతాస్త్రాన్ని పదునెట్టడానికీ
సాహితీ సమ్మెటను మోదుతూ…
కొలిమంటుకున్నది
సలసల మసిలే నెత్తుటి సిరా
చిటపటలాడే బొమికెల కలం మర
భగభగమండే భావనలను కుమ్మగ
దోపిడీని దాకలిగా వాడుకుంట
సమసమాజానికి సాగుతూ…
అక్షరాల పెనుమంటల కొలిమంటుకున్నది
మంచి కవిత కొలిమంటుకున్నది కూకట్ల సార్
ధన్యవాదాలు అన్న
మీ కవిత్వం కూడా కొలిమికి పంపండి
సాహితీ రంగంలో “కొలిమి” ప్రత్యేకతను చాటుకుంటుదని విశ్వసిస్తున్నాను.
కొలిమంటుకున్నది…….
కొలిమంటుకున్నది…….
కొలిమంటుకున్నది…….
కొలిమంటు కున్నది అక్షరాల సాక్షిగా ***ఎంతో బాగున్నది. ****@@@*సిరిసిల్లా గఫుర్ శిక్షక్ *****
అర్ధ బలపు కాటు అంగ బలపు పోటు అధికార బలపు మాటు బుద్ధిబలాన్ని గద్దెనెక్కిన చేయడానికి నిప్పు కణికల భావనలు చిమ్ముతూ కొలిమంటుకున్నద
చాలా పదునైన పదాలను వాడి మీ భావనలను తెలియజేశారు ధన్యవాదాలు ఇది కవి యొక్క కలానికున్న బలం