పల్లవి:
సుధాకర సుధాకర నేలరాలినావా
తారలల్లో ధృవతారగా వెలుగుతున్నావా
అడవిలో పంతులుగ పాఠమైనావా
సడలనీ పోరుదీక్ష అమరుడినైనావా
అనుపల్లవి:
నెత్తుటి తైలం
కొవ్వొత్తిగ జ్వలనం
కత్తి మీద సాము
నిలువెత్తున త్యాగం
చలపతీ చలపతీ
నిరుపేదల దళపతీ
||సుధాకరా||1). ఎంత శాంతి వదనం-ఎదలో
రగిలే క్రాంతి మదనం
పట్టుదలే సాక్ష్యం
చెమట చుక్క రాలిపడుతూ-మొలిచే మొక్కగా
ఆయుర్వేద వైద్య విద్య అడివే-ఆలంభణగా
||నెత్తుటి|| సుధాకరా||2). అడవి బిడ్డ తత్వం-రుచించే
గణతంత్ర రాజ్యం
పురోగమన చిత్తం-రచించే
కాల గమన సత్యం
నిలువెత్తు మనిషినందు లేదు- వీసమెత్తు స్వార్థం
ప్రజల కొరకు ప్రాణమిచ్చి-చేరే హిమశిఖరం
||నెత్తుటి|| సుధాకరా||3) నాగరికత జననం-అడవిలో
భూగర్భమే ఖనిజం
ఆదివాసి హననం-అక్కడ
పెట్టుబడి జననం
ఆపమంటూ కోరినావా-కౄర కగారు
కాల్చి కూల్చి చంపుతుంది-ఏమిటి సర్కారు
||నెత్తుటి|| సుధాకరా||4) నడిచినట్టి పయనం-శాంతికై
కదిలినట్టి వైనం
కలిసి ఉన్న తరుణం-మనలో
మలిన రహిత మర్మం
భూమి కొరకె భుక్తి కొరకె
చర్చ నడిసెగా
శాంతియైన యుద్ధమైన
ప్రజల కొరకెగా
అనుపల్లవి :
అమర జ్యోతిగా
వెలగనున్నావా
రక్తచలన గీతమై
మోగనున్నావా
చలపతీ చలపతీ
నిరుపేదల దళపతీ
జోహార్లు దళపతీ
జోహార్లు దళపతీ
(2004 అక్టోబర్ లో జరిగిన శాంతి చర్చలలో మావోయిస్టు పార్టీ ప్రతినిధిగా కామ్రేడ్ సుధాకర్ కొద్దిపాటి సహచర్యాన్ని తలుచుకుంటూ…)
