అవునూ నాకిది చెప్పు
“డైనోసార్ అసలెలా అంతరించిపోయింది?” అని అతన్ని అడిగాను
అతనికేమీ తెలీదు పాపం
కానీ అతను నన్ను అతని మ్యూజియానికి తీసుకువెళ్ళాడు
**
అక్కడి కళా ఖండాలు దాదాపుగా అందరికీ తెలిసినవే
కానీ, సందర్శకులకు దానిలోకి అనుమతి లేదు
**
అక్కడ త్రిశూలం లోతుగా గుచ్చబడి
నిలువునా చీరిపోయిన బిల్కిస్ బానో పొట్ట ఉంది
ఇంకా అక్కడ మూతబడ్డ గదుల తాళాలు చాలా ఉన్నాయి
ఒక పరిశోధక పళ్ళెంలో కప్పలు నిశ్చలంగా పడి ఉన్నాయి
బహుశా ఎప్పటి నుంచో అవి అలా
అక్కడ చేరుతూ ఉండి ఉండ వచ్చును
**
అక్కడే కత్తెర్లతో, బంక తో సరిహద్దురేఖ ఒకటి
తన పెద్ద నోరు బార్లా తెరుచుకుని ఉంది
“లావైన సరిహద్దు రేఖ” అన్నదే అతని పేరు
అతను అక్కడ ఏ విభజన రేఖలూ గీయటం లేదులే
ఖంగారు పడకండి
కానీ, ఏం చేస్తున్నాడనుకున్నారు?
ఊహించండి చూద్దాం?
అతను సుంతీ అయ్యిందో లేదో అని పురుషాంగాలను పరీక్షిస్తున్నాడు
నమ్మశక్యంగా లేకపోయినా ఇది మాత్రం నిజం
**
ఆ మ్యూజియంలో ఒక మంచం పక్కనే ఉన్న
చెక్క బల్ల మీద
బంగారు అక్షరాలతో రాసిన మనుస్మృతి ఉంది
అప్పుడు నేను తాగడానికి కొన్ని నీళ్లు అడిగానతన్ని
వీర్ సావర్కర్ నా వెనక నిలబడి నన్నే తీక్షణంగా చూస్తున్నాడు
వెంటనే అక్కడి మంచం మీద
డైనోసార్ ఒకటి భీకరంగా ఊళ పెట్టటం విన్నాను
**
ఒక్క కుదుపుతో నిద్ర లేచానా?
మంచం మీద తడిసి ముద్దై పోయి ఉన్నాను
కుడివైపు తిరిగి చూద్దును కదా
ఓహ్… నా పక్కనే డైనోసార్ చచ్చిపడి ఉంది
